रामेछापको मन्थली नगरपालिकाले वृहत विज्ञान प्रदर्शनी कार्यक्रमको आयोजना गर्ने

रामेछाप । रामेछापको मन्थली नगरपालिकाले वृहत विज्ञान प्रदर्शनी कार्यक्रमको आयोजना गर्ने भएको छ ।
आगामी मंसिर २ गते नगरपालिका भित्रका सामुदायिक तथा संस्थागत (माध्यमिक तह ९-१०) संचालित विद्यालयहरुको सहभागीतामा सो कार्यक्रम आयोजना गर्ने भएको हो ।

बालबालिकामा रहेको अन्तर्निहित प्रतिभाको प्रष्फुटन गराउने, विज्ञान विषयको सिकाइ उपलब्धि वृद्धि गराउने साथै नगरपालिकाका माध्यमिक तहमा कार्यरत शिक्षकहरुको अनुभवलाई आदानप्रदान गरि सिकाइ सहजीकरण प्रक्रियामा सुधार गराउने उद्देश्यले कार्यक्रम आयोजना गर्न लागिएको मन्थली नगरपालिका शिक्षा शाखा प्रमुख विष्णु अधिकारीले बताएका छन। सो प्रदर्शनीमा उत्कृष्ट हुनेलाई पुरस्कृत गरिने पनि शिक्षा शाखा प्रमुखले बताए।

यस अगाडि नगरपालिकाले गणित शैक्षिक सामग्री प्रदर्शनी समेत आयोजना गरेको थियो ।

सूचना सहित