रामेछापको सेतीदेवी स्कूलमा न्यानो कपडा वितरण कार्य सम्पन्न

रामेछाप : जिल्लाको गोकुलगंगा गाँउपालिका–१ स्थीत चुचुरेको श्री सेतीदेवी माध्यमिक विद्यालयमा विद्यार्थीहरुलाई न्यानो कपडा वितरण गर्ने कार्य बिहिबार (कार्तिक २९ गते) सम्पन्न भएको छ । नमस्ते महिला समूह गोकर्णेश्वर काठमाडौंले जाडो समयमा विद्यालयका सम्पूर्ण विद्यार्थी, शिक्षक तथा कर्मचारीहरुलाई एक/एक सेटको दरले न्यानो कपडा वितरण गरेको हो ।

विद्यालयमा न्यानो कपडा वितरण गर्नको लागि एक कार्यक्रमको आयोजना गरिएको थियो । कार्यक्रम विव्यस अध्यक्ष नवराज बस्नेतको अध्यक्षतामा भएको थियो भने वडा नं १ का वडा अध्यक्ष छत्र बहादुर बस्नेत प्रमुख अतिथीको रुपमा उपस्थित हुनुभएको थियो । साथै नमस्ते महिला समूहकी अध्यक्ष निर्मला बस्नेत विशेष अतिथिको रुपमा उपस्थित हुनुभएको थियो ।

संस्थाकी अध्यक्ष निर्मला बस्नेत सम्मानपत्र ग्रहण गर्दै

कार्यक्रममा मन्तब्य राख्दै अध्यक्ष छत्र बहादुर बस्नेतले न्यानो कपडा वितरण गरेर आफ्नो वडाको विद्यालयलाई नमस्ते महिला समूहले ठूलो सहयोग भएको बताउनु भयो । त्यस्तै विव्यस अध्यक्ष नबराज बस्नेतले दाताको यो सहयोगले आफ्नो विद्यालयलाई ठूलो गुण भएको र सहयोगी समूह तथा  व्यक्तिलाई आभार व्यक्त गर्दै सहयोगको लागि निरन्तरता दिन आग्रह गर्नु भयो ।

कार्यक्रममा सहभागी विद्यार्थी

विद्यालयका विद्यार्थीलाई न्यानो कपडा वितरण गर्न पाँउदा आफूहरुलाई खुसी लागेको र आगामि दिनमा पनि संस्थाले सकेको सहयोग निरन्तर जारी राख्ने नमस्ते महिला समूहकी सचीव सरिता राईले बताउनु भयो ।

नृत्य प्रस्तुत गर्दै विद्यार्थी

कार्यक्रममा सेतीदेवी आमा समूह र बुद्धिजिवी आमा समूहका सदस्यहरुको पनि उपस्थिति थियो । विद्यार्थीहरुले विभिन्न सांस्कृति प्रस्तुती दिएर कार्यक्रममा सहभागीलाई मनोरन्जन दिलाएका थिए । विद्यालयका पूर्व प्र.अ. कमल बहादुर कार्कीले सहयोगी संस्था तथा दाताहरुलाई मन्तव्य मार्फत धन्यवाद दिनु भयो । सहयोगी संस्थालाई विद्यालयले मायाको चिनो र प्रसंशापत्र दिएर सम्मान गरेको थियो ।

कार्यक्रमको झलक तस्वीमा