एसईई  को तयारी पूरा, चैत ७ बाट सुरु ,५ लाख बढी परीक्षार्थी सहभागी हुने

काठमाडौं, चैत ४ – यो वर्षको माध्यमिक शिक्षा परीक्षा (एसईई)  चैत ७ गतेबाट सुरु हुँदैछ। परीक्षामा ५ लाख २२ हजार भन्दा बढी परीक्षार्थी सहभागी हुने तथा परिक्षाको सम्पुर्ण तयारी पूरा भएको  जानकारी परीक्षा नियन्त्रण कार्यालयका निमित्त परीक्षा नियन्त्रक विष्णुप्रसाद ज्ञवालीले दिएका छन्।

यस वर्षको एसईई परीक्षामा तीन प्रकारका परीक्षार्थी सहभागी हुँदैछन्। तीमध्ये नियमित परीक्षार्थी संख्या ४ लाख ६८ हजार रहेको छ भने, ग्रेड वृद्धि तर्फ ५० हजार ९०० परीक्षार्थी रहेका छन्। पुराना परीक्षार्थीको संख्या भने ४ हजार रहेको छ।

परीक्षाका लागि देशभरका २१३१ परीक्षा केन्द्रमा परीक्षा सञ्चालन गरिनेछ। यस अवसरमा परीक्षार्थीलाई परीक्षा सम्बन्धी तयारी र निर्देशनहरूका लागि विभिन्न उपायहरूको जानकारी दिइएको छ।

परीक्षा समयतालिका र अन्य महत्त्वपूर्ण जानकारी सम्बन्धी थप अपडेटहरू परीक्षार्थीलाई परीक्षा नियन्त्रण कार्यालयको आधिकारिक वेबसाइटबाट प्राप्त गर्न सकिन्छ।

सामाजिक सुरक्षा र स्वास्थ्य मापदण्डहरूको पालना गर्दै परीक्षा प्रक्रिया सफल बनाउनका लागि सबै परीक्षा केन्द्रहरू तयारी अवस्थामा छन्।