ज्यान गुमाएका शिक्षक मेघराजको स्मृतिमा अक्षयकोष

मङ्सिर -३,खोटाङ ।
हृदयघातले ज्यान गुमाएका शिक्षकको स्मृतिमा अक्षकोष स्थापना गरिएको छ । दिक्तेलस्थित सरस्वती आधारभूत विद्यालयका प्रधानाध्यापक मेघराज धमलाको स्मृतिमा दश लाखको अक्षयकोष खडा गरिएको हो ।

धमलाको परिवार सदस्यहरू, आफन्त, साथीसंगीबाट सङ्कलित रकमबाट निर्माण गरिएको अक्षयकोषबाट उनले पढाउने विद्यालयका विद्यार्थीलाई पुरस्कृत गर्ने, जिल्लाभरका उत्कृष्ट प्रधानाध्यापकलाई पुरस्कृत गरिने अक्षयकोष निर्माणका अभियान्ता गोपाल आचार्यले बताए ।

‘अहिलेलाई दश लाखको अक्षयकोष खडा गरिएको छ, यसलाई बढाएर २५ लाखको बनाउने योजना छ,’ आचार्यले भने, ‘मेघराज धमला स्मृति प्रतिष्ठान बनाएर यसलाई थप व्यवस्थित गरी मेघराजले पढाएको विद्यालयका विद्यार्थी र जिल्लाभरका उत्कृष्ट प्रअलाई पुरस्कृत गरिने छ ।’

दिक्तेल रुपाकोट मझुवागढी नगरपालिका–१ आचार्य गाउका ३९ वर्षीय धमलाको काठमाडौंमा भाइटिका लगाएर दिक्तेल फर्कनेक्रममा कात्तिक–२१ गते बाटैमा हृदयघात भएर मृत्यु भएको थियो । कान्तिपुर